Umbhaleli wethu
UMongameli uCyril Ramaphosa ukutyelelo lweentsuku ezine kwilizwe laseChina. OkaRamaphosa ugaleleke namhlanje kwela lizwe okokuqala emva kokuxhuzula iintambo njengoMongameli wobumbano kweli.
UMongameli ukhokele igqiza elizakushukuxa imiba equka ukuqinisa amaqhina ozakuzo phakathi kwalamazwe mabini. UMongameli waseChina uMnu Xi Jinping kulindeleke ukuba amnkele lo kaRamaphosa kwisithebe sengxonxo ukuqinisa uqoqosho phakathi lwalamazwe mabini. Ilizwe laseChina liphala phambili kutyalo mali kumazwe aseAfrika nokudala amathuba engqesho ingankumbi kwiAfrika eseMazantsi.
Emva kokuhlangana noMongameli Jinping kulindeleke ukuba okaRamaphosa athabathe inxaxheba kwiqonga iForum On China -Africa Cooperation (FOCAC). Eli qonga lixoxa ngorhwebelwano phakathi kweChina namazwe aseAfrika, iingxoxo zizakubanjwa ngomhla wesine ukuya kowesihlanu kule yoMsintsi. iFOCAC yasungulwa lilizwe lasChina ukujongana neendlela zokubambisana nentsebenziswano ngakuqoqosho lweAfrika. Umongameli ukwaphahlwe ngabaphathiswa abaliqela bekhabhinethi yakhe kolutyelelo.
