Umphathiswa waManzi noGutyulo UMnu Senzo Mchunu ukutyelelo kwiphondo i-Mpuma-Kapa nalapho ahlangene neenkonzo ezisebenza ngamanzi kweliphondo kuquka nooMasipala abathile. Umphathiswa uqhuba uhlolo lwenkqubo yokubonelela ngamanzi nogutyulo.
Olu tyelelo lukaMphathiswa luqale ngomhla weshumi kule yoKwindla kwaye lufikelele esiphelweni namhlanje. Indawo ezihanjelwe nguMphathiswa ziquka iMonti kunye neGqeberha. Iofisi kaMphathiswa ithe eyona nto ibiphambili kolutyelelo kukuzama ukufumana isisombululo kwiingxaki zamanzi kooMasipala abaliqela bephondo. Umphathiswa ukwahlangene nooSodolophu base Alfred Nzo, OR Tambo, Chris Hani, Joe Gqabi, Sarah Bartman kunye NooManejala babo.
Umphathiswa ebephelekwe ngamasekela wakhe uMnu David Mahlobo no Nkosikazi Judith Tshabalala. Ukanti umphathiswa wesebe lentsebenziswano kurhulumento nemiba yemveli eMpuma-Kapa uMEC Zolile Williams naye ebeyinxalenye yegqiza.
