nguLulama kaSozathini
NgoMvulo, umhla we-25 kweyeThupha 2025, iPort St John’s Magistrate’s Court inike ibheyile exabisa le-R1000.00 kumntu ngamnye kumadoda amane aphakathi kweminyaka elishumi elinesibhozo (18) ukuya kwengamashumi amathathu anesihlanu (35). La madoda abekwe ityala lokufunyanwa ephethe imipu kunye neembumbulu ezingekho mthethweni.
Amapolisa othintelo lolwaphulo mthetho (Crime Prevention) asePort St John’s abambe uLithemba Gazula (25), uNkuthalo Siqoli (28), uSipho Gazula (18) kunye noXolile Mnyani (35) ngeCawa, umhla we-24 kweyeThupha 2025, malunga necala emva kwentsimbi yesixhenxe (07:30) kusasa. Bonke ngabelali yaseNoqhewukana. Babebanjwe ecaleni kolwandle lwasePort St John’s bephethe ezi zixhobo zingekho mthethweni.
La madoda omane aye aphuma enkundleni ngoMvulo, umhla we-25 kweyeThupha 2025. Ityala labo limiselwe iintsuku ezahlukeneyo kwinyanga yeDwarha: ngomhla we-13, 15, 20, kunye ne-21.
Kwezinye iziganeko ezimbini ezahlukileyo, amaqela akhethekileyo asebenza phantsi kwe-OR Tambo District Task Team aphumelele ekubambeni amadoda amabini, aneminyaka engama-36 kunye nama-41, nawo etyholwa ngokufunyanwa ephethe izibhamu ezingekho mthethweni.
- Indoda eneminyaka engama-41, yaseEmpa eBityi, ibanjwe malunga nentsimbi ye-10:30 kusasa iphethe umpu wohlobo lwe38 revolver enamanani axhonxiweyo agcweleyo kodwa ingenambumbulu.
- Kwilali yaseQhanqu eNgqeleni, malunga nentsimbi ye-22:30 ebusuku, iTask Team ibambe indoda eneminyaka engama-36 iphethe umpu wohlobo lwe 9mm Star esinemibhalo ecinyiweyo kunye neembumbulu ezisibhozo eziphilayo.
