NguLulama kaSozathini, Umfanekiso: Facebook (BCC)
IBantu Church of Christ (BCC) isentlungwini emva kokusweleka kukaBhishophu uJohn Bolana, olishiye eli ngoLwesibini eGreenacres Hospital eGqeberha emva kokugula kancinci. UBolana, obe neminyaka engamashumi asibhozo anesibini (82), usweleke ngoxolo erhangqwe lusapho lwakhe.
IBandla eli lasekwa ngomnyaka ka-1914 eKapa, laza ikomkhulu lalo lamiselwa eNew Brighton ngo-1928. UBishophu Bolana ube yinkokheli yesihlanu yebandla, nesebenze phantse iminyaka engamashumi amabini anesihlanu (25), ekhokela izigidi zamalungu eMzantsi Afrika nakumaye amazwe akumzantsi welizwekazi i-Afrika.
Isikhokelo sebandla sichaze u “Tata” njengenkokeli ebinombono, enothando nentlonipho, nokwazileyo ukudibanisa abadala nolutsha. Ubengumxhasi wophuhliso lolutsha, esebenza nabantu abatsha abajongene nokulwa nobugebenga nezinye iingxaki zoluntu.
Phantsi kobunkokeli bakhe, kwaqiniswa iziseko zecawa kwilizwe lonke, kwaza kwasungulwa imyuziyam yalamaxesha eNew Brighton, eGqeberha kweyoMnga ku-2025, negcina imbali epheleleyo yecawa.
Ukusweleka kwakhe kushiye intlungu enkulu, kodwa ibandla ligcina ithemba lovuko, likhumbula ilifa lobunkokeli bakhe obunesisa nenkuthazo. Usuku lomngcwabo luzakwaziswa kungekudala.
@icamagunews
