NguLulama kaSozathini
Isebe lezempilo belibambe inkomfa nonondaba ePitoli ngomgqibelo ngenjongo zokunika ingxelo malunga nophando oluqhutywayo ngakwinkampani zamagqwetha ezifake amabango akrokrisayo kwelisebe.
Ngokwengxelo kaMphathiswa uAron Motsoaledi ithi ukusukela ngonyaka ka2015 kwabonakala ukwanda kwamabango empatho gwenxa kumaziko ezempilo kweli, koogqirha bakarhulumente naba bucala. La mabango aphenjelelwa yimeko yokwenziwa ngqigqwa kwendlela yokufaka amabango kwingxowa-mali yengozi (Road Accident Fund) emveni kokuba ibikhe yaba sisigculelo samabango akrokrisayo nadala ukuba lengxowa ibe secicini lokuvalwa. Le meko ingentla idale ukuba iinkampani zamagqwetha afaka amabango zixoze mphini wumbi nalapho isebe lezempilo lavela njengexhoba uqhuba “utsho uMphathiswa”
Ekuhambeni kwexesha isebe lezempilo liqaphele ukuba amanye amabango athe enziwa kuleminyaka idlulileyo ebengenasihlahla. Amanye amabango ebebonakala nakuthathatha ukuba anoboqhetseba phakathi. Isebe lithi kwesinye isigaba kufakwe ibango lezigidi ezingamashumi asixhenxe (70 Million) kulwaluko olungazange luhambe ngendlela kwiphondo laseLimpompo. Ekuphandeni kuye kwafunyaniswa ukuba akuzange kubekho kwasiganeko sinjalo, kwaye umguli ofake ibango ube enyangelwa enye into nalapho isibhedlele sisindise khona impilo yakhe. Igqiza lophando iSpecial Invesitagting Unit (SIU) iphanda elityala kunye namanye achaphazelekayo litshilo isebe.