08 uCanzibe 2024
NguSisanda Jack
Ividiyo nemifanekiso: George Municipality
Amagosa ohlangulo ayaqhuba nephulo lokukhangela iingxwelerha zokudilikelwa sisakhiwo eGeorge. Ngokwengxelo ngamashumi mabini anesixhenxe (27) abantu abasele behlangulwe kubugoxo besi sakhiwo ngeli lixa isixhenxe (7) siye sabhubha ngenxa yomenzakalo. Olu hlangulo lungenelwelwe naligqiza lamapolisa elaziwa ngeK9 elisuka eKapa.
Ngokwengxelo kaRhulumente wephondo iNtshona Kapa ngamashumi asixhenxe anesihlanu (75) abantu ebebekwesi sakhiwo ngethuba sidilika ngoMvulo phakathi kwesithuba sentsimbi yesibini emini emaqanda kwisitalato iVictoria eGeorge. Inkulumbuso yephondo uMnu Alan Winde uvakalise amazwi ovelwano kwiintsapho zabo bathe bacatshazelwa sesi sehlo.
Amagosa asemanxadanxada ezama ukuhlangulo abo baseleyo kubugoxo besi sakhiwo ebesinemigangatho emine (4). UMongameli weli loMzantsi Afrika uMnu Cyril Ramaphosa naye uthumele umyalezo wovelwano kwiintsapho zamaxhoba. Umasipala waseGeorge usungule ingxowa-mali ezakuhlangabezana namaxhoba alengozi. Uluntu luyacelwa ukuba lubinze ngokusenzisa ezi nkcukacha zebanki zilandelayo:
Igama le akhawunti: George Municipality: Relief and Charitable Fund
Ibanki: ABSA Inombolo ye akhawunti: 9149554208 Inombolo yesebe: 632005.
