NgoLwesibini, 20 kweyeDwarha 2026, Ibhalwe nguLulama kaSozathini | Icamagu News
Umbutho olawula ibhola ekhatywayo eMzantsi Afrika, iPremier Soccer League (PSL), uqinisekisile imihla, amabala kunye namaxesha okuqalisa kwemidlalo yeCarling Knockout Cup, kumjikelo wamaqela ali-16 okugqibela.
Le midlalo kulindeleke ukuba iqhube ukususela ngoMgqibelo, umhla wama-24 ukuya kutsho ngoLwesithathu, umhla wama-28 kweyeDwarha 2026. Imidlalo iza kuvulwa ngoMgqibelo, umhla wama-24 kweyeDwarha, xa iLamontville Golden Arrows isamkela iChippa United kwibala iKing Zwelithini Stadium ngentsimbi yesi-15:00.
Kwangolo suku, iPolokwane City iza kuqubisana neSiwelele FC kwibala iOld Peter Mokaba Stadium ngentsimbi ye-18:00.NgeCawa, umhla wama-25 kweyeDwarha, iKruger United iza kudlala neAmaZulu FC kwibala iMbombela Stadium ngentsimbi yesi-15:00, logama iSekhukhune United iza kujongana neRichards Bay FC kwibala iNew Peter Mokaba Stadium ngentsimbi ye-18:00.
NgoLwesibini, umhla wama-27 kweyeDwarha, kulindeleke imidlalo emithathu enomtsalane, yonke iqala ngentsimbi ye-19:00.Iintshatsheli ezikhuselayo, iOrlando Pirates, ziza kuqubisana neMilford FC kwibala iOrlando Amstel Arena.
IMamelodi Sundowns yona iza kwamkela iMarumo Gallants kwibala iLoftus Versfeld Stadium, ngelixa iKaizer Chiefs iza kudibana neTS Galaxy kwibala iFNB Stadium.Umjikelo wamaqela ali-16 uza kuqukunjelwa ngoLwesithathu, umhla wama-28 kweyeDwarha, xa iDurban City FC isamkela iStellenbosch FC kwibala iChatsworth Stadium ngentsimbi ye-19:00.
ISISHWANKATHELO SEMIDLALO|
24 Oct | Golden Arrows vs Chippa United 15:00
24 Oct | Polokwane City vs Siwelele FC 18:00
25 Oct | Kruger United vs AmaZulu FC 15:00
25 Oct | Sekhukhune United vs Richards Bay FC | 18:00
27 Oct | Orlando Pirates vs Milford FC 19:00
27 Oct | Mamelodi Sundowns vs Marumo Gallant 19:00
27 Oct | Kaizer Chiefs vs TS Galaxy 19:00
28 Oct | Durban City FC vs Stellenbosch FC
19:00
I-PSL ithe iinkcukacha malunga namatikiti ale midlalo ziza kubhengezwa kungekudala.Abalandeli bebhola ekhatywayo balindele imidlalo eshushu njengoko amaqela esilwela ukudlulela kumjikelo olandelayo wale ndebe.
ICAMAGU NEWS – Your Community, Your Voice
