NguLulama kaSozathini
Ngokombutho wezempilo kwihlabathi (World Health Organisation) bangaphezu kwezigidi ezingamashumi amahlanu anesihlanu (55 million) kwihlabathi abantu abaphila nesifo sokulibala (Dimentia), kwaye singoyena nobangela mkhulu wokubhubha noku khubazeka kwabantu. Uphando lubonisa ukuba ukuhlala usempilweni kungawanciphisa amathuba okufumana esi sifo.
Kutsha nje iqonga elijongene nezoqoqosho kwihlabathi (World Economic Forum) lityale imali engange zigidi ezingama khulu asixhenxe eedola ($700 million) ukuphuhlisa ichiza elizakunceda ekulweni nesi sifo. Abaphandi bafumanisa ukuba abona bantu basemngciphekweni ngabo banomlibo wofuzo ngokwesi sifo, kungako kufuneka ibengabo abanikwa ingqwalasela kakhulu. I-WHO iqhuba ithi kubantu abadala ngokweminyaka lo ngoyena nobangela uphambili wokubhubha kwabo amaxesha amaninzi. Nanjengoko inani labantu abasele bekhulile lisanda kwihlabathi kumazwe ngamazwe kulindeleke ukuba ngonyaka ka2050 esi sifo sichaphazele abantu aba zizigidi ezilikhulu elinamshumi mathathu anesithoba (139 Million).
Uphando olwenziwe kwilizwe laseMelika kubantu abanomlibo wofuzo lwesi sifo ngonyaka ka 2022 luchaza iindlela eziliqela ezinokunceda ukunciphisa amathuba okufumana esi sifo.
- Ukuqwalasela okanye ukunqanda uxinzelelo Lwegazi
- Ukunqanda iCholestorol neyincindi edaleka esibindini nefunyanwa egazini nakuwo onke amajoni omzimba.
- Ukunciphisa iswekile egazini
- Ukuzivocavoca
- Ukutya izidlo ezisegazini
- Ukunciphisa
- Ukuyeka Ukutshaya
@icamagunews
