19 Tshazimpuzi 2024
Umbhali: Lulama ka-Sozathini
Umfanekiso: SAPS Archives
uMkomishinala wamapolisa aseMntla-Kapa uLieutenant General Koliswa Otola ukwamnkele ukubanjwa kwabemi abasibhozo belizwe laseNigeria nabatyholwa ngokuhlasela amapolisa baze baphinda bonakalisa nezithuthi zalenkonzo izolo.
Oku kwenzeke eKimberly ngethuba amapolisa ebelandela umkhondo wommi waseNigeria othengisa iiziyobisi. Amapolisa athe esaqhuba ugqogqo suka onganyelwa yintlaninge yabemi base Nigeria babangomba kanobom. Amapolisa aye adubula ngeembumbulu zerabha nezintywisi ukuchitha-chitha lo nginginya. Kuye kwabanjwa umrhanelwa wamnye emva kokufunyanwa neziyobisi ngeli lixa abanye abathathu baye babanjelwe ukudala udushe esidlangalaleni.
Ngelixa bekwisikhululo samapolisa aba barhanelwa baye bonakalisa iifestile zesikhululo eso nokudale ukongezwa kwetyala lokonakalisa iimpahla phezu kwamatyala abo.
Ukanti elinye iqela labemi baseNigeria liye lagqala nqo esikhululweni samapolisa aseKimberly ligrogrisa ngokudala uqhushululu ukuba abakhululwa abarhanelwa. Eli qela liye layelelwa ukuba lichathakale, nelithe ngexesha lenza oko laphinda lonakalisa izithuthi zamapolisa ebezilapho, amapolisa aphinde anqakula abane kubo abavalela. Kulindeleke ukuba abarhanelwa bavele kwinkundla kaMantyi kungekudala.
icamaguradio@gmail.com.
