nguLulama kaSozathini
23 EyoKwindla 2024
Ngamashumi mane (40) abame belizwe laseRashiya abudutyulwe babhuba ngeli lixa ilikhulu elinamashumi mane anesihlanu abathe bangxwelerheka ngethuba amadoda avele athulula ngerhuluwa kumnyhadala ububanjelwe kwiholo ekwikomkhulu lela lizwe eMoscow.
Iingxelo ziqhuba zithi lamadoda nebexhobe efohlele ekwanxibe iimpahla zokulwa ahlasele abantu ebebe kwikonsathi ngoLwesihlanu waleveki kwinto ebonwa njengelona hlaselo lwakhe lwaba likhulu ngakubemi bela lizwe. Ukanti ibutho lophuma silwe abafuna uzimele geqe welizwe lama Islam eIraq naseSyria bazingombe isifuba ngoluhlaselo bekwathathela kubo uxanduva kanjalo, oku bakuvakalise kwiqonga lonxibelelwano uTelegram. Kutyholwa ngelithi ngamadoda aqikelelwa kwisihlanu athe ambhonzeleka kwiholo ibanalo mnyhadala nobunabalandeli abangaphaya kwamawaka amathandathu aze athulula ngerhuluwa engabhungisanga.
Kusalindeleke ukuba i-ofisi kaMongameli Vladimir Putin osandula ukuphumelela unyulo kwela lizwe iphawule ngesi senzo. Abahlaziyi bezopolitiko abaliqela bathe lo kaPutin ngekhe ayiyeke nje idlule lenyewe uzakuziphindezela kanobom. Kusalindeleke intetho esuka kuye uMongameli Putin.